ORGANIZACIÓN DO TRABALLO POR TAREFAS
Para organizar o traballo temos en conta en primeira instancia as tarefas que precisamos facer e se estas deben ser asumidas polas comisións e/ou por grupos de persoas interesadas e disponibeis nese momento
COMISIÓNS: Decisións tácticas e operativas
As comisións son entidades básicas para canalizar o bo funcionamento do proxecto. Están constituídas por grupos de persoas, que asumen tarefas específicas. Son nomeadas perante Asemblea Xeral.
No Cárcere Identificamos as seguintes, das que non todas están activas:
- Coidados e Convivencia
- Comunicación
- Financiamento
- Xurídico-Xestión
- Infraestructuras e Habitabilidade
- Proxectos
- Escola Cidadá
- Memoria Histórica
- Reunións co Concello
Non precisan de ter unha actividade permanente e intensa ao longo do ano, senon que se activan ou desactivan dacordo ás necesidades do proxecto nas súas diferentes etapas vitais. Poden ter tarefas fixas e variabeis
GRUPOS DE TRABALLO
Serían eses grupos que se conformarían para realizar unha tarefa específica surxida da necesidade temporal do proxecto.
Serían autónomos compartindo información e necesidades nas Asembleas semanais
- Tomarían decisións operativas para desenvolver a súa tarefa
- Durarían o que dura a tarefa a desenvolver
TAREFAS REGULARES (en construcción)
Son as tarefas que precisan facerse regularmente (cada día, semana, mes, etc). Non son opcionais e deben ser asumidas en primeira estancia pola moradoras do Cárcere (Xestión e Propostas). Poden colaborar Amigas Traballadoras ou outras persoas de forma optativa.
- Limpeza e mantemento xeral do espazo. Lixo, regar prantas, varrer, etc.
- Horarios apertura e feche. Encargarse das chaves nos días de actividade.
- Convocatorias Asembleas. Moderación. Toma de acordos e actas.
- Porta de entrada. Acollemento e información das visitantes.
Proxecto Cárcere 