Xornada de Apertura do Cárcere

photo_2018-07-30_17-45-08
Temos o pracer de convidarvos á Xornada de Apertura do antigo Cárcere da Coruña que terá lugar o sábado 4 de agosto de 11:30 a 23:30.
Con este evento queremos dar início á actividade pública dos primeiros 200 m2 deste emblemático edificio. Sabemos que é só abríndoo e dotándoo de vida que se poderá conseguir a súa rehabilitación total e uso para múltiples iniciativas da nosa cidade.
A nefasta política de feche e abandono do Cárcere durante os últimos 7 anos demostrou non ser a mellor das opcións para manter en boas condicións un inmoble protexido por patrimonio e de importancia arquitectónica e social para A Coruña.  Acollemos o reto de poñer a nosa enerxía e traballo para non deixar que iso siga a acontecer.
Por iso facemos un chamamento á asistencia a esta xornada así como a presentación de propostas e apoio aos fins deste proxecto para que o Cárcere sexa recuperado para todas nós.
O sábado comezaremos coa inauguración do Cárcere a cargo da Comisión pola Recuperación da Memoria Histórica, continuando coa entrada no espazo que se vai poder utilizar durante esta primeira fase de cesión de uso.
Dentro do edficio poderán verse as exposicións do “Jail Art” de arte postal, unha selección de Obxectos do Cárcere, e proxeccións e materiais dos 7 anos de loita da Asociación Proxecto Cárcere para rehabilitar e recuperar o Cárcere para a cidadanía.
Daremos logo paso ás actuacións e actividades coas que tan xenerosamente nos agasallan diversas artistas e colectivos da cidade que participan de forma totalmente altruísta.
Son d’Aqui, Cantareiras da Comuna, Micki y amigos, Samuel Galan, Antía Gómez Ortega, Alba Cotelo, Teatro Alfaiate, Gonçalo Guerreiro, Marcos Casás e Swing Coruña. Danza, música e teatro para non parar en todo o día.
Teremos un espazo para o xantar que se pode utilizar á vontade ou se se prefire traer a comida da casa ou utilizar os bares e restaurantes próximos.
Esperámosvos
Proxecto Cárcere Apertura programa2
Advertisements

Festa 4 anos Proxecto Cárcere

O próximo 20 e 21 de Novembro conmemoraremos os catro anos da plataforma cidadá Proxecto Cárcere, terá lugar unha acción na parte posterior do cárcere da Torre na que poder recuperar as iniciativas levadas a cabo nestes catro anos.

4 aniversario

De ser as condicións meteorolóxicas demasiado adversas, daremos aviso e buscaremos unha solución para desenvolver o mural colaborativo, do contrario esperamos poder contar con todas e todos neste día e pasar un tarde entretida.

4 aniversario (pastel)

Proxecto Cárcere convida a biscoito as/os asistentes que veñan ao Linda Rama, a festa de aniversario que realizaremos o próximo venres ás 21 h. Na que poidamos festexar por todo o arte estes 4 anos.

Un ano máis, parabéns Proxecto Cárcere!