“A nao das Argonautas” – 5º Aniversario de Proxecto Cárcere

Hoxe, venres 20 de novembro de 2015 é o 5º aniversario de Proxecto Cárcere que terá lugar ás 17:00 no antigo cárcere da Torre.

Realizaremos unha acción lúdico-reivindicativa co nome de “A nao das argonautas” na que recordaremos as propostas colectivas feitas pola cidadanía da Coruña para a recuperación do antigo cárcere como centro sociocultural  e da memoria. Sen esquecer os atrancos burocráticos e institucionais cos que nos temos atopado durante a nosa andaina queremos dar unha mensaxe de esperanza e recoñecemento a todas as persoas que dun ou outro xeito soñamos con abrir as portas do cárcere á creatividade e participación cidadá.

Finalizaremos a actividade cunha pequena celebración e brinde na praia das Lapas e unha petiscada no mítico bar “O Patachim” da rua Beiramar

Esperamos que podades compartir connosco esta celebración.

Moitas grazas a todas por facer existir a Proxecto Cárcere

A continuación o comunicado deste ano

 

A Nao das Argonautas

nao argonautas

Como a Nave das Argonautas esculpida en pedra polo mestre Gonzalo Viana, alá por novembro de 2010 empezamos a deseñar o noso navío ao pé da Torre, á beira do noso mar, nas vellas instalacións da antiga prisión provincial coruñesa co obxectivo de surcar os mares da cultura, da arte, da educación, da memoria…

Paseniñamente puxémonos man á obra como se facían e se fan os barcos da ribeira nas nosas costas.

Estudamos modelos que nos convencían deste país e de fóra, fixemos ensaios que funcionaron moi ben e documentamos todas as nosas experiencias e estudos nun caderno de bitácora que entregamos ás nosas autoridades municipais e que aí está a disposición de toda a xente .

A travesía está sendo larga e os escollos moitos. A nave atravesou tempestades e mares en calma. Escoitamos cantos de sereas e serafíns que nos intentaron desorientar. Perdemos valiosas e valiosos navegantes pero tamén embarcou nova tripulación. Neste momento a nosa nave atópase varada nun areal de burocracia e de desidia por parte das nosas autoridades e contemplamos con certo estupor como o noso traballo “artesanal” é desprazado ou ninguneado por “franquicias” que pouco ou nada van ofrecer ao que nós humildemente entendemos por cultura.

Esperaremos a que a marea volva subir, o vento empece a zoar e entón ergueremos novamente as nosas velas para que esta nao colectiva siga deixando o seu ronsel neste mar fisterrán.

Ano V de PC.

Encontros entre Proxecto Cárcere e o novo goberno municipal da Coruña

concello-de-a-coruna-105781Nestes últimos meses Proxecto Cárcere tense reunido co novo goberno de María Pita, como anteriormente fixo co bipartito BNG-PSOE e nos últimos catro anos co Partido Popular.

No mes de xullo tivemos unha cita con Xose Manuel Sande, concelleiro de Culturas, Deporte e Coñecemento co obxectivo de presentarnos como Plataforma Cidadá e colocar na axenda coruñesa o proxecto sociocultural e da memoria de rehabilitación do antigo cárcere da Torre. Sande falounos principalmente da situación xeral coa que se encontraran á súa chegada ao Concello. Con respecto ao cárcere informou da intención do presente goberno de continuar coa vía legal iniciada polo antigo edil Carlos Negreira para a devolución dos terreos e por tanto do edificio do cárcere invalidando os acordos monetarios asinados no seu momento por Francisco Vázquez.

No decurso da conversa falounos tamén do proxecto herdado do goberno do Partido Popular do Centro de Produción de Deseño CIDEA que tería como sede futura a Antiga Comandancia de Obras. En palabras do concelleiro víano como inviabel tal e como estaba prantexado polo que si manterían as actividades na Fundación Luis Seoane pero non procederían, de momento, á rehabilitacion e acondicionamento das instalacións da Comandancia. Para nós esta podía ser unha oportunidade para abrir o proceso á cidadania nas liñas que propón o Plan de Viabilidade de Proxecto Cárcere podendo servir de inspiración non só para a antiga prisión pero tamén para outras iniciativas da cidade nas que puidera ser de utilidade.

Deixando pasar o verán e dando tempo para que a Marea Atlántica se afixera ao seu novo fogar volvemos solicitar unha reunión no mes de outubro coas concellerías de Culturas, Deporte e Coñecemento, Rexeneración Urbana e Dereito á Vivenda e Participación e Innovación Democrática, entendendo que Proxecto Cárcere abrangue non só o ámbito cultural senón que é realmente transversal e se relaciona cos diferentes eidos sociais, culturais e urbanos da cidade.

Neste novo encontro participamos 6 persoas de Proxecto Cárcere e en representación do Concello, Xosé Manuel Sande, Claudia Delso e Xoán Mosquera, no lugar de Xiao Varela que finalmente non puido asistir. Proxecto Cárcere tiña enviado unha serie de preguntas ás diferentes concellerías para axilizar a reunión e facela o mais efectiva posibel coa intención de a través das respostas obtidas estarmos en mellor condicións de avanzar co noso proxecto.

As preguntas eran as seguintes:

  1. O edifício pasou a ITE (Inspección Técnica de Edificios)? Se foi así foi favorable ou desfavorable?
  2. Que obras se levaron a cabo durante o verán de 2014?
  3. Cal é a situación actual do xuizo sobre o convénio de devolución do cárcere? Cales son os prazos? Canto se podería demorar?
  4. Cales son os seguintes pasos que plantexa o Concello para obter o cárcere da Torre?
  5. Na Escola de Arquitectura estase a desenvolver un tema de Proxecto Final de Carreira, no edifício do cárcere. Sería posible unha visita?
  6. Habería a posibilidade de organizar un encontro como o de 2010 sobre Novos Modelos de Xestión Cidadá de Espazos dentro do cárcere?

Infelizmente non obtivemos durante esta reunión respostas concretas a todas estas preguntas aínda que si se nos prometeu enviárnolas na maior brevedade e contestar coa maior concrección posibel.

Con respecto á colaboración entre Proxecto Cárcere e as diferentes concellerías, cabe destacar a afinidade en liñas xerais nos conceptos de participación, cultura e urbanismo, coas que esperamos poder profudizar, como un axente social mais, na futura construcción da cidade. En base ao futuro do cárcere da Torre non parece que haxa unha proposta clara e concisa de usos, rehabilitación e modelo participativo por parte do Concello, e tampouco nos quedou claro que papel tería Proxecto Cárcere no caso do edifício ser restituído ao concello durante os próximos catro anos.

Para Proxecto Cárcere é imprescindibel a comunicación fluida e directa co goberno do Concello da Coruña así como co Ministerio de Interior, pois son as autoridades responsabeis do edifício e terreo da antiga prisión provincial. Esperando conseguir a información que precisamos e que o próximo ano se presente con mais oportunidades de acción, nós faremos valoración deste quinto ano de vida e traballo e iniciaremos un proceso creativo de toma de decisións estratéxicas e operativas para presentar a inícios do 2016.

Domingo 19 de Abril no IV Encontro da Rede Transibérica: Asemblea

No terceiro e último día do Encontro os colectivos membros da Red Transibérica de Espazos Culturais Independentes reuniranse en asemblea para avaliar os resultados do encontro, sinerxias con novos espazos e pasos a seguir no futuro.

encuentro red juny 2012transibericaweb

A Red Transibérica é unha plataforma de cooperación que ten como misión favorecer o desenvolvemento e fortalecemento dos espazos independentes de España e estreitar a súa colaboración cos espazos de Portugal.

Os obxetivos da Rede son:

1. Fomentar e facilitar a cooperación entre espazos culturais independentes nos ámbitos de producción, distribución, mobilidade, intercambio, etc.

2. Promover a troca de coñecementos, a investigación sobre o sector e a capacitación profesional dos traballadores dos espazos culturais independentes.

3. Instituirse como órgao de representación colectiva ante a administración pública con ánimo de incidir nas políticas culturais e promover a creación dun marco legal que recoñeza e ampare a existencia dos espazos culturais independentes.

4. Apoiar as iniciativas de creación ou apertura de novos espazos culturais promovidas por colectivos artísticos ou ciudadáns.

5. Incrementar a visibilidade dos espazos culturais independentes e a súa vinculación directa aos valores e práticas que estos promoven, entre eles: cidadanía crítica e activa, políticas culturais participativas, xestión horizontal e transparente, a cultura como ferramenta de transformación social e recuperación do espazo público.

6. Establecer mecanismos de colaboración con outras plataformas, organizacións e redes -particularmente internacionais- que favorezan o desenvolvemento do sector.

Para coñecer mais sobre a Red Transibérica e solicitar adhesión consultar a súa páxina web AQUI

Sábado 18 de Abril no IV Encontro da Rede Transibérica: Rede Transibérica

No segundo día do Encontro coñeceremos os obxectivos e camiño da Red Transibérica explorando iniciativas posibeis tanto no ámbito rural como no urbán, e as dificuldades e solucións da xestión dos espazos culturais independentes.

CARTAZ RED TRANSIBERICAAbrimos a xornada ás 10h coa presentación da Red Transibérica e e mesa “Recuperación de Espazos culturais no rural”, café para tomar forzas e continuar coa “Recuperación de Espazos culturais no urbán”.

Fechamos a mañá coa presentación individual de proxectos dos espazos para o 2015 e desfrutamos da comida ecolóxica e local de Leira Longa e un descansiño e/ou paseo ollando ao mar bravo da Coruña.

Un bon momento para darlle unha ollada as exposicións do “Jail Art” e “Coruña Baleira” ou achegarse ata o Cárcere da Torre e vislumbrar o que pode chegar a ser este espazo para todas e todos nós.

Ás 16h30 pasamos á parte mais prática do Encontro co “Taller  de problemáticas e solucións na xestión de espazos” na que traballaremos toda a tarde finalizando cunha posta en común.

Momento para descansar e alimentar o corpo despois dunha intensa xornada de 20h30 a 22h co catering de Leira Longa na nosa cantina

Pero a cousa non termina aqui, como fin da parte aberta do Encontro iremos a partir das 22h30 ao  Mardi Gras ao concerto de “Ruta 77” ás 22h30 seguido da “Festa Pop Think in!”…e o que o corpo aguante.

Se aínda non te apuntaches, achégate o venres 17 ás 16h ao Instituto Anxel Casal e fala connosco. Isto non é para perder. 😉

 

Crónica da 3ª Xornada de Convivencia “Descobrindo o Futuro”

Nesta terceira xornada de convivencia escoitamos a Carmen falarnos da súa experiencia de 15 anos na Cidade e Circo dos Muchachos de Benposta (Ourense).

Qué pode aprender Proxecto Cárcere da experiencia de Benposta? Sería mais rápido responder que non podería aprender. Un recurso pouco coñecido ou utilizado polos diferentes procesos de transformación da Galiza. Ás veces non precisamos viaxar moi lonxe para coñecer experiencias creadoras e de longo prazo. Un luxo contar con Carmen e co traballo, xa legado tamén de PC para incluir na nosa filosofía e memoria.

38013_141216029244496_100000682998208_246605_3445584_nImaxe: Asamblea na Cidade dos Muchachos
Fai click na imaxe para ver mais fotos da Cidade e Circo dos Muchachos
IMG_20150125_152202

Despois dunha dinámica sobre a rotabilidade do rol de líder dun grupo e a diversidade con que podemos liderarnos indagamos sobre as diferentes personalidades que aportan sustentabilidade, observación, creatividade e innovación, relacións e coñecemento ao grupo. Moi equilibrado está o ecosistema do PC entre os pausados ursos, as traballadoras formigas, as abellas polinizadoras ou os dinamizadores leóns.

IMG_20150125_152207Unha recapitulación sobre as dúas anteriores xornadas de convivencia e unha breve explicación sobre a importancia dos espazos caórdicos e os diferentes elementos a ter en conta para que un grupo exista…e funcione deron paso a un primeiro paso da dinámica “escenarios de futuro” onde exploramos 4 hipoteses nas que nos poderiamos encontrar de aqui a 6 meses. Quedamos con vontade de mais e posibelmente teñamos unha segunda parte para continuar a descobrir o noso futuro.

IMG_20150125_152230IMG_20150125_152222

“O Padre Silva, era un home como nunca volvi coñecer outro. Con todas as súas contradiccións, mais un home que movia, que che movia a aventurarte con él nas súas loucuras. Sempre estaba a pensar algo novo, sempre a argallar novas ideas. Él realmente cría que todo era posibel, que todo se podía realizar, e ti ao velo tan convencido tamén chegabas a crer no mesmo.”

Carmen Cotelo

 

Feliz 2015!

Terminamos este ano co desexo de que todas as loitas sociais da nosa cidade e do mundo enteiro sirvan para conseguir fazernos mais fortes e construir unha sociedade mais libre, mais igualitaria e mais feliz.

4 anos festaDesde Proxecto Cárcere facemos un bó balance deste ano en que nos tocou sobrevivir a un parón de comunicacións coas institucións alleo á nosa vontade. No entanto tivemos o imenso pracer de coñecer a moitos proxectos irmáns que nos deron alento e axudaron a pensarnos e re-pensarnos como o que somos, un grán mais da imparabel transformación social destes tempos.

No 2015 esperamos continuar a dar grandes pasiños xunto con todas e todos vós. Sabemos que sen ese apoio físico e virtual, continuado e puntual co que contribuimos as diferentes persoas e colectivos que cremos neste soño dun cárcere transformado en espazo de creación e liberdade,  non poderíamos ter nunca tinguido, ainda que fose só un pouco, coa nosa cor amarela a esta cidade que sabemos e queremos facer nosa,

Iniciaremos o 2015 cunha xornada de reflexion, estratexías e celebración o Sábado 24 de Xaneiro á que estades todas e todos convidadas/os, así como iniciativas colaborativas e o noso caro programa de radio “Ondas do Cárcere” das que vos iremos informando nas primeiras semanas do ano. Anota na túa nova axenda un tempiño para Proxecto Cárcere, promete ser un ano ben interesante.

A todas e todos….Feliz 2015!

 

“Fagamos agora o noso futuro, e fagamos realidade os nosos soños de mañá.”

Malala Yousafzai (en pastún: ملاله یوسفزۍ

malala-yousafzai-ftr

 

Grazas e Feliz ano 2015!

Terminamos este ano co desexo de que todas as loitas sociais da nosa cidade e do mundo enteiro sirvan para conseguir fazernos mais fortes e construir unha sociedade mais libre, mais igualitaria e mais feliz.

4 anos festaDesde Proxecto Cárcere facemos un bó balance deste ano en que nos tocou sobrevivir a un parón de comunicacións coas institucións alleo á nosa vontade. No entanto tivemos o imenso pracer de coñecer a moitos proxectos irmáns que nos deron alento e axudaron a pensarnos e re-pensarnos como o que somos, un grán mais da imparabel transformación social destes tempos.

No 2015 esperamos continuar a dar grandes pasiños xunto con todas e todos vós. Sabemos que sen ese apoio físico e virtual, continuado e puntual co que contribuimos as diferentes persoas e colectivos que cremos neste soño dun cárcere transformado en espazo de creación e liberdade,  non poderíamos ter nunca tinguido, ainda que fose só un pouco, coa nosa cor amarela a esta cidade que sabemos e queremos facer nosa,

Iniciaremos o 2015 cunha xornada de reflexion, estratexías e celebración o Sábado 24 de Xaneiro á que estades todas e todos convidadas/os, así como iniciativas colaborativas e o noso caro programa de radio “Ondas do Cárcere” das que vos iremos informando nas primeiras semanas do ano. Anota na túa nova axenda un tempiño para Proxecto Cárcere, promete ser un ano ben interesante.

A todas e todos grazas e Feliz 2015!

 

“Fagamos agora o noso futuro, e fagamos realidade os nosos soños de mañá.”

Malala Yousafzai (en pastún: ملاله یوسفزۍ

malala-yousafzai-ftr

 

Cal é o destino do cárcere da Torre?

http://www.flickr.com/apps/slideshow/show.swf?v=104087

A primeira vez que nos reunimos no cárcere para falar sobre a posibilidade de recuperar este espazo público para a cidadanía da Coruña, pouco nos podíamos imaxinar o que lle tiña deparado o destino a este vello edificio.

Nós pensamos na imensidade do edificio, na versatilidade de espazos e na historia sobrecolledora que amparaban esas paredes. Pensamos na enerxía da cidade, da nosa cidade que adoecía por explotar en mil cores e debuxar soños en cada un dos cantos do vello cárcere.

Crímos que a vontade de mulleres e homes por tornar un lugar de confinamento físico e ideolóxico nun de creatividade e liberdade sería a mellor tarxeta de visita para ser recibidas/os  polas institucións responsábeis que non só nos escoitarían senon que apoiarían sen reticencias as nosas propostas de recuperación do patrimonio e acción cidadá.

Pero non foi así, na mesma medida en que o grupo ía concretando o estudo arquitectónico do cárcere e organizaba as iniciativas individuais e colectivas recibidas para o uso do mesmo, os muros de entendimento coas administracións ían crecendo en altura e espesura.

De pouco serviu ter organizado 4 días de xornadas abertas no cárcere contando coa participación totalmente altruísta de 20 artístas plásticas e a achega de mais de 70 propostas de actividades , cun balance moi positivo onde unha media de 200 persoas por  día da nosa cidade confluíron no cárcere para participar do espazo, da arte e do burbullo social que se xerou durante eses días.

De pouco serviu a elaboración dun Plan de Viabilidade onde se propuxeron as liñas xerais de recuperación paulatina e sustentábel do imóbel , das actividades a ser acollidas nel e da xestión e viabilidade económica para o cárcere tornarse  no Centro Sociocultural e da Memoria que todas e todos desexabamos.

De pouco serviu a denuncia continuada da deterioración do cárcere resultado do abandono e desleixo por parte do SIEP e do Concello da Coruña que non moveron nin un só dedo ata que un grupo de 15-20 persoas decidimos entrar no cárcere armadas de luvas e vasoiras. Nese momento si enviaron unha brigada desproporcionada da policia nacional, tapiaron as entradas principais e contrataron os servizos de seguridade privada 24 horas ao día.

De pouco serviron as continuas visitas de Proxecto Cárcere ás concellerías de Cultura de Ana Fernández, Servizos Sociais de Miguel Lorenzo, a tentativa infructuosa de nos encontrar co responsabel de urbanismo Fernández Prado, as comunicacións enviadas ao alcalde da Coruña Carlos Negreira e ao presidente do SIEP Andreu Roca Bassas, expoñendo o caso e sempre prestes a negociar con urxencia a reparación e mantemento das cobertas e a médio e longo prazo o destino do cárcere.

De pouco serviron as campañas de recollida de sinaturas na que mais de 2500 persoas e colectivos, artistas, escritoras e escritores, persoas públicas, lanzamos un SOS ao Concello da Coruña e ao SIEP responsábeis polo estado do cárcere e acción imediata para a súa conservación.

A día de hoxe recibimos noticias confusas a través da prensa sobre o proceso de devolución ao Concello da Coruña do solar e por tanto da antiga prisión xa tristemente en ruinas. No que parece mais unha carreira de lebres do que unha negociación entre institucións xeridas por representantes da cidadanía desta cidade e deste Estado, Proxecto Cárcere non ten mais opcions que a de acción directa na rúa á marxe de institucións incapaces de asumir a súa responsabilidade de servizo á cidadanía.

Próximas accións neste marco serán anunciadas nos próximos días.

Crónica da exposición “Jail Art” na Casa da Fariña

EXPOSICIÓN “JAIL ART”

 

 

 

 

 

 

“Abaixo o Capitalismo” berrouse o pasado venres na Casa da Farinha cando escoitabamos os marabilhosos fados de Gonçalo…

Desconhecemos a repercusión dese alegato para o sistema económico que nos rixe pero a mostra inagurada no número sete da praza de Azcárraga, demostra  que existen outras formas de convivencia ao marxen do mercado, e neste caso do “mercado da arte”

A representación de artistas postais, poetas, intérpretes ou persoas colaboradoras que fixeron posibel este acto dunha forma totalmente desinteresada demostran que non todo ten que estar rexido polos beneficios económicos que tanto  nos condicionan o día a día.

Dúas horas rodeados de arte postal  que pendurará durante un tempo polas paredes e teitos da Casa da Farinha e chegados a nosa cidade dos lugares máis extremos do noso planeta,  música alén do Minho e poesía, como diría o poeta, tan necesaria como o pan que alí tamén podemos gostar, fixeron da inauguración da exposición unhas horas para o recordo.

A Corunha no mes do Nadal de 2013

 

“Fin de curso” 2013 en Proxecto Cárcere

2.500 sinaturas entregamos no Concello da Coruña esta mañá!!
E o manifesto continúa aberto.

Despedimos este “curso” para recuperar forzas e regresar despois do periodo estival con mais ideas e propostas para conseguir salvar o cárcere da Torre e facer del un espazo de encontro e creación para a cidadanía da Coruña.

A exposición Jail Art iniciará un tour por diversos locais da cidade e doutras partes de Galiza, concretaremos unha proposta de documento de cesión do cárcere á cidadanía no que nos gustaría que participárades, e achegarémonos cada vez mais as xentes do bairro da Torre e de toda a cidade con actividades na rúa, xornadas sobre cidadanía e patrimonio, proxección de documentais e moito mais.

Grazas a todas e todos por construir connosco Proxecto Cárcere!

Coa voz da coruñesa Mercedes Peón, que coma ti, apoia o manifesto S.O.S. Cárcere da Torre, dicímosvos ata pronto!