11 de Xuño 2018, A Coruña
Ola a todas,
Abrimos o boletín desta semana con esta imaxe tan descriptiva. Si, o cárcere está aberto para a cidadanía!
Despois de 7 longos anos por fin podemos entrar e traballar colectivamente para transformar este espazo noutrora de represión nun de expresión e liberdade.
O estado do edificio, como xa informáramos, é delicado e nos 100 m2 que se van poder utilizar hai moito traballo que facer, especialmente de limpeza.
Tamén estamos traballando na parte máis burocrática para poder dar resposta aos requerimentos legais do Concello para o uso do espazo, sen mermar, na medida do posibel, os direitos das persoas e colectivos a utilizalo como merecen.
Estamos pois na Primeira Fase de Entrada: Limpeza e Acondicionamento e Manual de Funcionamento e Uso do espazo e precisamos a vosa axuda.
Como sabedes Proxecto Cárcere somos unha Asociación Sociocultural sen ámino de lucro e na cesión do cárcere non hai ningunha partida económica incluída. Por iso o xeito no que estamos a facer as cousas é coas nosas máns e recursos.
Se podes e queres vir a limpar ou tes alguns dos seguintes materiais, para doazón ou préstamo, ou sabes onde os podemos conseguir por favor escríbenos a proxectocarcere@gmail.com
- escada
- maquina para limpar o chan
- acuchidora e/ou barnizadora
- desbrozadora
- lixas
- pintura branca
- ferramentas varias…..
Este mércores faremos unha Asemblea Extraordinaria para recolocarnos con esta nova étapa as persoas que estivemos nestes meses máis activas e poder dar xa entrada a a todas as demais moradoras desta Casa Aberta con Fume.
Agradecemos a vosa paciencia e sempre o voso apoio.
Seguiremos informando.
Proxecto Cárcere 