No pasado mes de Decembro Proxecto Cárcere foi chamado pola concellaría de Rexeneración Urbana e Dereito á Vivenda para nos informar do estado de negociacións entre o Concello e o SIEP (Ministerio de Interior) con respecto ao cárcere da Torre.
Nesta reunión confirmóusenos o que uns días antes fora publicado na prensa en que o alcalde Xulio Ferreiro anunciaba unha posibel cesión para uso público por parte do SIEP. Este posibel acordo estaba condicionado a que non interferira no presente contencioso en que se encontra ambas institucións desde tempos do Sr. Negreira.
Seguindo unha conversa vía telefónica no mes de Xaneiro en que preguntábamos polo decurso desta iniciativa fomos convocadas a unha reunión para este xoves 12 onde esperamos ter novas concretas.
Pola nosa banda decidimos continuar coa nosa labor reivindicativa de acondicionamento e rehabilitación da prisión como centro sociocultural e da memoria e por ese motivo iniciamos unha serie de peticións formais aos diferentes organismos responsabeis.
Seguiremos informando.
Proxecto Cárcere 