Proxección documental “El lugar que ya no está”

A plataforma cidadá Proxecto Cárcere e a Comisión pola Recuperación da Memoria Histórica da Coruña convidámosvos á proxección do documental “El lugar que ya no está” producido polo Centro de Creación Contemporánea Espacio Tangente de Burgos (www.espaciotangente.net).

O acto terá lugar o sábado 9 de novembro ás 19:00 no salón de actos da Fundación Luis Seoane da Coruña (r/ San Francisco, s/n A Coruña) e é resultado do traballo colaborativo desenvolvido dentro da Red Transibérica de Espacios Culturales Independientes (http://www.transiberica.org/).

O filme é un itinerario a través dos testemuños directos de vítimas da represión franquista na provincia de Burgos (lugar onde esta se desatou con especial virulencia) e das achegas das asociacións e persoas que traballan hoxe nese mesmo escenario a prol da recuperación da memoria histórica. Así, nace de tres anos de acompañamento dos procesos de localización, exhumación e dignificación de fosas de todo o territorio burgalés, ademais da recompilación de testemuños dalgúns ex-presos políticos que sufriron o encarceramento nas prisións da provincia de Burgos trala Guerra Civil.

O acceso é libre. Agradecémosche a túa asistencia e que colabores na difusión.

Asemblea Outubro 2013

A asemblea deste mes é este mércores 30, ás 20h na Casa da Fariña.
Orde do día:
1. Novidades dos grupos de traballo
2. Difusión e proxección de El lugar que ya no está
3.Proposta de realización dun documental
4.Encontro con alumnado de Educación Social
5.Varios
Bon Samaín a todas e todos!