Proxecto Cárcere nas xornadas “Ens Toca! Recuperem l’espai públic”

O compañeiro Patxi Sánchez irá en representación de Proxecto Cárcere ás xornadas “Ens Toca! Recuperem l’espai públic” organizadas polo Ateneu Santboiá, coa colaboración de Nau Ivanow e Antic Teatre, e que terán lugar en Barcelona os días 13, 14 e 15 de xuño.

Coñecemos destas xornadas no pasado encontro en Bilbao da Rede Transibérica de Espazos Culturais Independentes e desde o primeiro momento non tivemos dúbida de que serían de grande interese para a nosa plataforma.

Estamos agradecidas/os a toda a xente de Barcelona polo seu convite e axuda loxística na cidade, así como tamén ao noso compañeiro Patxi que ofreceu o seu tempo e enerxías para traernos un pedaciño do que ali aprenda á Coruña.

‘Ens Toca! Recuperemos o espazo público a través da cultural”” é unha reflexión colectiva sobre cómo a cidadanía podemos apropopiarnos e recuperar o espazo público como ben común e cómo a cultura pode dotarnos de ferramentas e ideas que apoien este proceso.

Ens toca! é unha oportunidade para reflectir sobre cómo podemos organizarnos  para a xestión independente da cultura e o espazo público. Ateneu Santboià e a súa traxectoria ofreceranse como caso de estudo e espazo de experimentación para imaxinar diferentes ferramentas – intelectuais, emocionais, materiais, tecnolóxicas, políticas, etc – que podan contribuir a nos achegar a ese obxectivo.

As xornadas articularanse por volta de tres eixos temáticos

1) Espazos culturais independentes e modelos culturais alternativos

2) Traballo en rede a nivel local, nacional e internacional

3) O dereito á cidade e á construcción colectiva do territorio

Para mais información e inscripcións podes visitar a súa site Ens Toca!

Sesión Vermú Proxecto Cárcere o domingo 16 de xuño

Sesión Vermú do Proxecto Cárcere o domingo 16 de xuño ás 12h30 no mercadiño do Soho Orzán!!

As xentes de Proxecto Cárcere convidámosvos a todas e todos á sesión vermú que organizaremos o domingo 16 de xuño no Mercadiño Soho Orzán.
Ofreceremos vermú e pincho a prezos populares e contaremos con música ao vivo e moita vontade de rir, danzar e desfrutar dunha mañá soleada de domingo na nosa cidade.
Anímate e ven ao mercadiño do Soho a nos coñecer e a descobrir ás artesás e artesáns estupendas coas que contamos neste cantiño do mundo.

Este encontro servirá como aquecemento para a inauguración o sábado 29 de xuño do “JailArt, arte polo cárcere” onde se mostrarán as mais de 100 obras de arte postal vindas de todo o mundo á nosa cidade.

Mais información nas próximas semanas.

Asemblea de Maio de Proxecto Cárcere

A asemblea de Proxecto Cárcere do mes de Maio terá lugar o xoves 30 ás 20h no bar O Alfaiate (rúa San Xoan).

Orde do día:

1. Grupos de Traballo (Xestión e Financiamento; Sensibilización e Comunicación; Radio)
2. Manifesto S.O.S. Cárcere da Torre
3. Proposta mesa Patrimonio Xuño (Laura)
4. Actualización listas de email Proxecto Cárcere
5. Outras cousas

O Jailart de Proxecto Cárcere alcanza as 100 obras recibidas de todas as partes do mundo!

O Jailart, unha iniciativa da plataforma cidadá Proxecto Cárcere en colaboración con Carlos Botana chega a menos de dúas semanas do seu peche de admisión de obras a 105 propostas provintes de mais de 25 países diferentes.

O “mailart” é un movemento de expresión artística na que se utiliza como soporte o formato postal. A obra, que é enviada por correo, pode ser de temática libre ou como no caso do “Jailart” de Proxecto Cárcere, sobre un tema específico pero ao mesmo tempo amplio como “o cárcere”.  

Concordamos no axeitado desta proposta para internacionalizar de forma plástica o grande interese, debate e emocións diversas que suscita un espazo físico de represión abrindo a imaxinación a propostas de transformación social e artística.

As obras recibidas sorprendéronnos a todas e a todos pola súa expresividade e capacidade de plasmar visualmente perspectivas diversas sobre un tema tan controvertido.

As obras serán expostas a finais do mes de xuño na festa que desde hai xa dous anos realizamos nas inmediacións do cárcere da Torre para reivindicar a súa rehabilitación e uso público e cidadá.

Daremos mais información sobre a mesma nas próximas semanas.

Valoración de Carlos Botana sobre o “Jailart”

O noso proxecto de arte postal (mailart) é un gran éxito entre os artistas nacionais e internacionais que están a colaborar con esta chamada do Proxecto Cárcere.

Despois de pouco máis de dous meses, a cantidade de “mailartistas” (que así se fan chamar os que practican esta arte tan libre) achegase a os 105 de 27 países.

Por todo isto, cremos que en tan pouco tempo, e as artes recibidas, a finais deste proxecto, o éxito será un logro.

Temos envios de artistas que son unha gran referencia no mundo da arte postal, xente coma: Ryosuke Cohen (Xapón), Clemente Padín (Uruguay), John M. Bennett (USA), Pal Csaba (Hungría). Españois como:  Cesar Reglero, Pedro Bericat, Ferran Destemple. E galegos: Manoel Bonabal, Inma Doval, Raúl Reguera …. etc. etc

Xente que con súas artes e colaboración desinteresada, fan que este proxecto, se achege a ser moi grande e moi interesante.

Grazas a todos polo seu traballo.

E aqueles que aínda  querades participar, estades a tempo de facelo ata o final do mes de Maio, enviando as  vosas artes a:

Carlos Botana

C/.Oleoducto, Nº 11, portal 2 – 3º E 

15009 A Coruña  (Spain)

Polonia – Portugal – Arxentina – Australia – Canadá – Sultanato de Omán – Brasil – Estado Español (Galiza, Andalucía, Comunitat Valenciá – Catalunya – Castilla La Mancha – Euskalerría – Aragón – Castilla León) – Portugal – Italia – Finlandia – USA – Reino Unido – Bélxica – Xapón – Francia – Alemania – México – Siberia – Uruguai – Turquia – Armenia – Noruega – Puerto Rico – Rusia 

Mais información sobre a convocatoria do Jailart Proxecto Cárcere en http://jailartproxectocarcere.wordpress.com/

S.O.S.

Formación en tecnoloxías do Proxecto Cárcere

O pasado domingo 28 de abril estivemos na Casa da Fariña, espazo de co-working e creación recentemente aberto na Praza Azcárraga da Coruña, facendo un pequeno obradoiro sobre tecnoloxías.

Da mán de Maru, experta informática e amiga de Proxecto Cárcere, actualizamos os nosos coñecimentos da Wiki, ferramente que utilizamos desde hai tempo para gardar e poñer disponibel a quen quiser, a documentación desta iniciativa.

Na procura de novos xeitos de nos comunicar e organizar internamente, Maru mostrounos o N-1, un espazo virtual que nos sorprendeu pola súa versatilidade e practicidade. Quen sabe, talvez sea este N-1 o novo reto da plataforma….se nos atrevemos.

Grazas Maru pola túa xenerosidade e paciencia. 🙂