Cuac FM, a radio comunitaria da Coruña fai 17 anos. De Proxecto Cárcere desexámoslle un bon aniversario e unha moi longa vida.
Arquivo por meses: Marzo 2013
Todas as posibilidades do mundo….nunha camisola de Proxecto Cárcere
Podes escoller o modelo orixinal ou tuneala no teu propio estilo. Aqui iniciamos o proceso dun dos posibeis tuneados. Xa iremos vendo como queda.
Se queres contribuir con Proxecto Cárcere e darlle renda solta á túa imaxinación consiguen unha das nosas camisolas. Só 5€!!!
Están á venda na Cooperativa de Consumo Responsabel Zocamiñoca e no CS Gomes Gaioso, ou venda directa enviando email a proxectocarcere@gmail.com
Terceiro Encontro da Red Transibérica do 5 ao 7 de Abril
“Na actualidade estamos a asistir á imposición hexemónica e unilateral dun modelo economicista que entende a cultura exclusivamente como entretimento e consumo. Se nas últimas décadas, os sucesivos gobernos empeñáronse en, esquecendo o auténtico tecido cultural, infestar a nosa xeografía de contentores culturais que, hoxe mais do que nunca, se revelan insostíbeis económica, social e culturalmente, o presente só permite constatar que o enfoque, en esencia, non está a mudar o mais mínimo.
A Red Transibérica celebra o seu Terceiro Encontro co obxectivo de se consolidar como unha alternativa ao enfoque cultural imperante que reuna aqueles espazos culturais que aposten con determinación por continuar a súa labor de forma realmente independente e mantendo os seus valores. Mais do que nunca, é o momento de actuar conxuntamente!”
Desde a Plataforma cidadá Proxecto Cárcere escribimos para vos convidar e informar do 3º Encontro da Red Transibérica de Espazos Culturais Independentes que terá lugar en Bilbao do 5 ao 7 de Abril do 2013.
En Proxecto Cárcere levamos participando desde os comezos nesta iniciativa apesar de non poder contar aínda con espazo para levar a cabo a proposta de participación cidadá de recuperación e uso público do antigo cárcere da Coruña como Centro Sociocultural e da Memoria.
A participación na Red Transibérica estanos a axudar enormemente a enteder e profundizar nos diversos aspectos que afectan á xestión cultural de espazos independentes poñéndonos en contacto con proxectos doutras partes do Estado con anos de experiencia e de moi diversa natureza.
É por iso que nos parece imprescindibel expandir esta iniciativa entre os colectivos, organizacións e proxectos da Coruña e resto da Galiza, e animarvos a participar neste 3º Encontro e formar parte da Rede Transibérica.
Un grupo de persoas de Proxecto Cárcere imos asistir ao encontro en Bilbao e ofrecemos información e posibel coordinación para nos transladar ali. Se non podedes asistir pero tedes interese na Rede e no Encontro poderíamos elaborar estratexias conxuntas para nos apoiar mutuamente.
Podédenos contactar escribindo a proxectocarcere@gmail.com ou telefonando ao 678 381 459
Información sobre a Red Transibérica e o 3º Encontro de Bilbao
A Red Transibérica é unha plataforma de cooperación coa misión de favorecer o desenvolvemento e fortalecemento dos espazos culturais independentes do Estado Español e achegar a súa colaboración cos espazos de Portugal.
Os obxectivos da Rede son:
- Fomentar e facilitar a cooperación entre espazos culturais independentes
- Promover a troca de coñecimentos, investigación e capacitación profesional
- Funcionar como representante colectivo perante a administración pública
- Apoiar iniciativas de nova creación artística e cidadá
- Establecer colaboración con outras plataformas, organización e redes internacionais
A Red ten traballado nos últimos anos na súa constitución e definición de obxectivos e valores e quere agora neste 3ª Encontro afianzar as relacións entre as e os seus membros, abrir a colaboración a outros espazos e iniciativas interesadas e iniciar as accións e proxectos comúns cara a delinear as estratexias da Rede para os próximos dous anos.
Para mais información e inscripcións visitar a site da Red Transibérica e consultar programa adxunto.
Para información sobre Proxecto Cárcere visita a noso blogue Proxecto Cárcere ou contáctanos en proxectocarcere@gmail.com
Teito vexetal para o antigo cárcere
Asemblea de Marzo 2013
A próxima Asemblea terá lugar o luns 11 de marzo ás 20h no CUR (antiga Empresariais en frente da Casa da Auga)
Xa sabedes que as Asembleas son sempre abertas a todas as persoas interesadas en Proxecto Cárcere.
Proposta de orde do día:
1. Coñecendo iniciativas na Coruña: proxectos cidadáns a utilizar espazos da ADIF (40 minutos)
2. Posta en común da I xornada de convivencia: Biodanza – Obxectivos – alén do cárcere (Angel – feito) – comunicación interna (Alberto) – procesos grupais (Patxi) (8 minutos)
3. Wikimariscada: Conteudo, lugar e hora (5 minutos)
4. Viaxe ao 3º Encontro da Red Transibérica en Bilbo (10 minutos)
5. Grupos de Traballo: Sensibilización e comunicación, Economia, Proxectos similares, e radio. (30 minutos)
Varios (10 minutos)
Manifestación en Petrogrado no 8 de marzo “Día Internacional das Mulleres” de 1917 onde as mulleres marcharon baixo o lema “Pan e Paz”. Esta marcha é considerada o inicio das mobilizacións da chamada Revolución de Febreiro. Nos días que se seguiran, a axitación continuou a aumentar, recebendo a adesión das tropas encargadas de manter a orde pública, que se recusavan a atacar as manifestantes.
Proxecto Cárcere 